باش تنجحوا فالباكالوريا
سلام عليكم اخواتى غنهدر معاكم بالدارجة المغربية باش تفهمونى مزيان . انا غنقولكم الطريقة لى تبعت باش تنجحوا فالباكالوريا غانكون واقعى معاكم او غنبسط ليكوم هداشى
انا طالب الان شعبية الفزياء و الكمياء . العام الماضى كنت كندرس الباكالوريا ( شعبة الفزياء ) .
الباكالوريا هى واحد الحاجز خسك تدوزوا كيف ماكان باش تنتاقل ن الصاح صحيح . البكالوريا مانكدبش عليكم انا فاالحقيقة ماعجبتنيشى هاد السنة من اكره السنوات دوزتا صعيبة بزاف كتطلب مجهود كبير و الصبر ثم الصبر ثم الصبر كنعاود هاد الكلمة 3 ديال مرات الصبر خسك تصبر او متقنطشى. الحمد لله انا صبرت بزاف وفى الاخير جاب الله تسير او فرحانى زعما الفرحة ديال الباكالوريا مغاديش نقدر نوصفلك هاد الشعور حتى تجربوا ( سبحان الله ) احسن فرحة فى حياتى عليها قلت ليكم ( الصبر )
ماغاديش نطاول عليكم بزاف ندخول فى الموضوع . ( كيفاش تدوز الباكالوريا . او كيفاش تعدل ) .
كيفما كتعرفوا شعبة الفزياء غتدوزو ف 5 ديال المواد ( الفزياء , العلوم , الرياضيات , الفلسفة , الانجليزية ) .
اول حاجة غنبدا بيها هى الفزياء :الفزياء فى الدروس الاولى دوس سهلة او ماشى صعيبة ركزوا بزاف على الدروس الاولى حيتاش كطيح بزاف و الدروس لى صعيبة حتى الدورة الثانية وهى الميكانيك و ما ادراك ما الميكانيك , انا بعدا ماحملتوشى خسا التركيز او خسك تخدم بزاف باس تعرف او فهاد الميكانيك فيها بزاف ديال الدروس ولاكن فى الوطنى ماكيطيحوشى بزاف درس واحد شامل تمرين ولا غيطيحوا شوية من درس او شوية من درس اخور . انا كنفضل الثانى حيتاش ادا عطاوك التمرين شامل كيتعمقوا ف الاسئلة اما شوية من درس او شوية من درس اخور كيعطيو الاسئلة السطحية هادا ( من جهة نضرى ) .
انا فالحقيقة الفزياء فى الايام الاخيرة ديال الوطنى ملى كنت كنوجد كنت كنعطى الفزياء بزاف الوقت كنراجعا . المشكلة انها غاع ماكتبغى تسالى شحال ماراجعتى غسك تزيد
دائما حتى الايام الاخيرة مابقا نل الوطنى والو انا كنت باقى كنرجعا . كنت ماكانخدمش داك السلاسل لى كيعطينا الاستاد هادوك خدامتوم فى الايام لى كنت كنراجع الامتحانات ديال القسم اما الايام الاخيرة ديال الوطنى كنت كنمشى ن الامتحانات الوطنية او كنشوف الاسئلة لى كتطيح بزاف او كتعاود هادوك هوما ليركزت عليهوم بزاف اما السلاسل كنمشيلوم ادا شفت شى اسئلة فالوطنى طاحوا كنمشى ن السلسة ادا جبرت بحالوم كنخدموم باش يدخلو ليا فعقلى او نبقا عاقل عليهم مهم كنت كندى عينى معا الوطنيات او كنشوف اشنو الاسئلة لى كيطيحوا حيتاش هوما كيبقاو يدورو غي تما غى فداك الاسئلة قدار يبادلولك الصياغة اما السوال كيبقى نفسوا غينتا خسك تعرف كيفاش تعرف تجاوب المهم بلا مانزيد ندخول ف التفاصيل حتى ن موضوع اخور غنديروا انشاء الله باش نزيد نوضح .
سالينا من الفزياء كننتقلوا الان الى العلوم : العلوم انا مرجعتشى بزاااف . فى الامتحانات ديال القسم كان كيعطينا الاستاد نحفطوا المقالات يعنى كيحددنا فى الدفتر اشنوا غنحفطوا
مقالى كيكون كبير بزااااااااااااااف باش يعاونا زعما ف الوطنى تقريبا كنحفطوا نوص الدرس . دكشى لى درت انا كنت كنحفطوم فى الايام ديال مراجعة الامتحان الوطنى بديت كنرجع داك المقاليات مامشيشتى ن الدروس او بديت كنخدم التمارين لا اصلا التمارين كيعطيك تحلل بزاف يعنى ادا كنتى كتعرف تحلل غتفوك راسك باى طريقة كيبقالك المقالى او صافى
انا واحد المقالى ديال درس النفايات كنت حفطتوا فى الامتحانات ديال القسم او فى الوطنى راجاعتوا فى الايام الاولى ملى كان قرب الامتحان صافى سالينا يعنى غدا عنا العلوم فداك الصباح كنت باقى مامشيتش ن الامتحان باقيلى شى ربع ساعة فتحت دفتر او بدت كنقراها داك المقالى ديال النفايات غى قريتوا باش يدخول ليا فراسى حيتاش كنت نسيتوا شحال مارجاعتو قريتوا غى قراءة خفيفة او شديت الدفتر . او مشيت نال الامتحان اول ما كتنزل ليك الورقة عينك كتمشى ن المقالى كتشوف اشنو طاح سبحان الله و المفاجئة كانت انه طاح المقالى فداك الدرس ديال النفايات او فداك الفقرة لى راجاعت بالضبط سبحان الله بقيت مستغرب او ماكنتشى فتحت الدفتر فدك ربع ساعة فالصباح ههه انا اصلا كنت حفطوا ولاكن كنت نسيت منوا شوية غير قريت باش نتفكر . الحمد لله كتبت بزاف فالمقالى شو داك العام طاح العلوم صعيب او طويل بزاف ماقدنيش الوقت كلشى بدا كيتشكا .
المهم ننتقلوا ن المادة اخرى وهى الرياضيات : الرياضيات ساههلة او كتطيح بنفس المنهجية او نفس التمرين هه تفريبا ادا جينا نقولو كيبدلولك تقريبا الارقام فشى اسئلة
الاعوام كاملة كتطيح بنفس المنهجية او التصميم انا كنت كنرجع الامتاحانات الوطنية يعنى باراكا عليك غى الوطنيات خدموم مزيااااان او غتفهم يعنى الرياضيات مافيهاش الخوف بزاف .
كنزيد نوضح هادشى فى موضوع اخر انشاء الله او نزيد نشرح ليكم الطريقة كيفاش تعاملوا معى الفلسفة و الانجليزية فى موضوع اخر كنتطرق ليه .
ادا مافهامتوش شيحاجة تواصلوا معايا انا عنجاوب على اسئلتكم و اقتراحاتكم و كدلك ايضا غنكون معامكم عام كامل باش نشرحلكوم الطريقة كيفاش تعاملوا مع الباكالوريا راه الباك ساهل فى الحقيقيةخس غي الصبر .
ادعوا معى بالتوفيق انشاء الله فى حياتى الدراسية . الى اللقاء فى موضوع اخر انشاء الله . كنتمنى نكون خفيف على القلب و الموضوع عجبكوم او فادكوم .
